ಕಲಬುರಗಿ ಆ ೧೬:
ಸಿದ್ದಲಿಂಗ ಸ್ವಾಮೀಜಿಯವರು ಶಾಖಾ ಮಠದ ಕಟ್ಟಡ ಪರವಾನಗಿ ಪಡೆಯುವಾಗ, ಎರಡು ಅಂತಸ್ತಿನ ಕಟ್ಟಡವನ್ನು ನಿರ್ಧರಿಸಿದ್ದರು. ಆದರೆ, ಈಗ ಮೂರು ಅಂತಸ್ತಿನ ಕಟ್ಟಡವನ್ನು ನಿರ್ಮಿಸುತ್ತಿರುವುದು ನಗರದ ಮಹಾನಗರ ಪಾಲಿಕೆಯ ಗಮನಕ್ಕೆ ಬಂದಿದೆ. ಇದರ ಬಗ್ಗೆ ನೋಟಿಸ್‌ ನೀಡಿದ ಕಲಬುರಗಿ ಮಹಾನಗರ ಪಾಲಿಕೆ, “ನಿಯಮ ಮೀರಿ ಕಟ್ಟಡ ನಿರ್ಮಾಣ ಮಾಡಿದ್ದೀರಿ, ಪರವಾನಗಿಯನ್ನು ರದ್ದು ಮಾಡುವುದೇ?” ಎಂದು ಪ್ರಶ್ನಿಸಿದೆ.
ಸಚಿವ ಪ್ರಿಯಾಂಕ್ ಖರ್ಗೆ ಈ ಬಗ್ಗೆ ಪ್ರತಿಕ್ರಿಯೆ ನೀಡುತ್ತಾ, “ನೋಟಿಸ್‌ ನೀಡಿರುವುದು ಸರಿಯೇ? ನಾವು ನಮ್ಮ ಕಾರ್ಯ ಮಾಡಿದ್ದೇವೆ,” ಎಂದು ಸಮರ್ಥನೆ ನೀಡಿದರು. ಆದರೆ, ಈ ಹೇಳಿಕೆ ಮಾಧ್ಯಮಗಳಲ್ಲಿ ಪ್ರಸಾರವಾದ ನಂತರ, ಸಿದ್ದಲಿಂಗ ಸ್ವಾಮೀಜಿ ತೀವ್ರ ಆಕ್ರೋಶ ವ್ಯಕ್ತಪಡಿಸಿದರು.
ಸ್ವಾಮೀಜಿಯವರು, “ನನ್ನ ಕಟ್ಟಡ ನಿಯಮ ಬಾಹಿರ ಎನ್ನುವುದಾದರೆ, ಕಲಬುರಗಿ ನಗರದಲ್ಲಿ ನಿಯಮ ಉಲ್ಲಂಘಿಸಿರುವ ಎಷ್ಟೋ ಕಟ್ಟಡಗಳಿವೆ. ಅವುಗಳ ಬಗ್ಗೆ ಯಾವುದೇ ಕ್ರಮ ಕೈಗೊಳ್ಳಲಾಗಿದೆಯೇ? ನಮ್ಮದೇ ಪಕ್ಷದ ಶಾಸಕರಾದ ಅಲ್ಲಮಪ್ರಭು ಪಾಟೀಲ ಅವರ ಮನೆ ಕೂಡ ಪಾಲಿಕೆ ನಿಯಮವನ್ನು ಮೀರುತ್ತದೆ. ಮೊದಲು ಅದನ್ನು ನೆಲಸಮ ಮಾಡಿ,” ಎಂದು ಪ್ರಿಯಾಂಕ್ ಖರ್ಗೆಗೆ ತೀವ್ರ ಸವಾಲು ಹಾಕಿದರು.
ಇನ್ನು, ಪ್ರಿಯಾಂಕ್ ಖರ್ಗೆಯವರ ಪೀಪಲ್ ಏಕಜುಕೇಷನ್ ಸೊಸೈಟಿ ಕಟ್ಟಡದ ದಾಖಲೆಗಳು ಪಾಲಿಕೆ ಬಳಿ ಲಭ್ಯವಿಲ್ಲ ಎಂದು ಸ್ವಾಮೀಜಿ ಕಿಡಿ ಕಾರಿದರು. “ಮೊದಲು ನಿಮ್ಮದೇ ನಿಯಮ ಬಾಹಿರ ಕಟ್ಟಡವನ್ನು ನೆಲಸಮ ಮಾಡಿ,” ಎಂದು ಅವರು ಹೊಸ ಸವಾಲು ಎಸೆದಿದ್ದಾರೆ.
ಈ ನಡುವಣ, ಪ್ರಿಯಾಂಕ್ ಖರ್ಗೆ ಮತ್ತು ಸಿದ್ದಲಿಂಗ ಸ್ವಾಮೀಜಿಗಳ ನಡುವಿನ ವಾಕ್ಸಮರ ಮತ್ತೊಂದು ತಿರುವು ಪಡೆದಿದ್ದು, ಸಾರ್ವಜನಿಕರು “ಕಾನೂನು ಎಲ್ಲರಿಗೂ ಸಮಾನವಾಗಿರಬೇಕು” ಎಂದು ಆಗ್ರಹಿಸುತ್ತಿದ್ದಾರೆ. ಈ ವಿವಾದದ ಅಂತ್ಯ ಹೇಗಾಗುತ್ತದೆ ಎಂಬುದನ್ನು ಕಾದು ನೋಡಬೇಕಾಗಿದೆ.